Prentum skóladagbækur og skipulagsbækur fyrir vinnustaði og stofnanir. Nú er rétti tíminn til að hafa allt á hreinu!

Ertu að halda viðburð? Prentum aðgöngumiða og armbönd, til dæmis fyrir leiki og tónleika.

Láttu okkur prenta miða fyrir vörurnar þínar og leyfðu þeim að dangla niður úr hillunum til að vekja enn meiri athygli - og þær bókstaflega hrópa á viðskiptavinina!

Gerðu ísskápinn notalegri með myndaseglum! Seljum ferkantaða segla en líka segla í laginu eins og snjókorn.

Á baðherberginu er tilvalið að fegra sturtugler, spegla og glerskápa með því að koma fyrir útskorinni filmu með mynstri eða myndum. Hún skapar meira næði og kemur í veg fyrir að kísill setjist á glerið eins og gerist þegar það er óvarið. Sandblástursfilmur láta ekki þar við sitja … ef þeim er komið fyrir  í gluggum koma þær í veg fyrir að þeir brotni og glerbrot dreifist út um allt auk þess sem þær vernda rúður gegn rispum. Hrein og klár snilld!

Hvort sem þú ert að fara ferma, skíra, ganga í hnapphelduna eða vilt bara gleðja vini og vandamenn með skemmtilegu korti af hvaða tilefni sem er þá höfum við einfalda og flotta lausn sem hentar þér! Þú gerir kortið í þremur einföldum skrefum á heimasíðunni okkar: Velur þema Sérsníður kortið Leggur inn pöntun Góða skemmtun!

Er kominn tími til að merkja vinnubílinn eða uppfæra gamlar merkingar? Við græjum málið og vélfákurinn kemur þínum skilaboðum áleiðis í umferðinni.

Það er frábær hugmynd að láta okkur prenta hnyttna setningu eða skemmtilega mynd á bol, peysu eða samfellu fyrir þína nánustu. Prentum líka vörumerki og slagorð fyrirtækja.

Alltaf gaman að gefa bangsa með fallegri áletrun sem hvetur eigandann til dáða!

Prentum myndir á smekki en líka sniðugar setningar á borð við: „Ég ræð hér!“ Farðu í smá þankahríð og láttu þér detta eitthvað sniðugt í hug og við græjum þetta fyrir þig.

Keyptu borðstand til að vísa kúnnanum betur leiðina á barinn með því að auglýsa drykkina sem þar er að finna eða auglýstu annað sem í boði er.

Við prentum á lyklahulstur sem eru í raun bara vasi fyrir lykilinn. Einföld og örugg.

Hótel og aðrir aðilar í ferðaþjónustu koma ekki að tómum kofanum hjá okkur því við prentum á lyklahulstur, bæði samanbrotin og vasa.

Við prentum fatahengismiða eins og þú vilt hafa þá. Hafðu samband og við liðsinnum þér með glöðu geði.

Láttu okkur prenta merkimiða fyrir þig til að merkja töskuna þína með stæl!

Sígildi fáninn sem allir þekkja stendur alltaf fyrir sínu en strandfánar eru einnig frábærir til þess að vekja athygli á íþróttafélögum, sérstökum viðburðum, bæjarfélögum og þjónustu fyrirtækja. Þeir eru alls ekki þungir, á bilinu 1,5 til 4 kg en gefa því sem þú vilt vekja athygli á algjöra þungavigt! Erum líka með blöðrubangsa og fisfána, eitthvað fyrir alla!

Ljósmyndir sem eru prentaðar á hágæðapappír og límdar á álplötu geta hangið inni í stofunni þinni í laaaangan tíma en einnig úti ef þú vilt það frekar því þær láta óblíða íslenska veðráttu ekki á sig fá. Varðveittu skemmtilegar myndir í mörg ár! Getum prentað eina eða fleiri á sömu álplötuna.

Viltu að það sjáist minna inn til þín en samt að dagsbirtan njóti sín? Það er tilvalið að þekja glugga eða hluta hans með sandblástursfilmu til að skapa meira næði. Filman hleypir birtu í gegn en kemur í veg fyrir að það sjáist inn. Ef þú vilt sjá út um hluta sandblástursfilmunnar er ekkert mál fyrir okkur að skera út í hana skemmtileg mynstur eða myndir sem fegra gluggann og gera rýmið fyrir fyrir innan notalegra. Sandblástursfilmur styrkja jafnframt glerið og vernda það gegn rispum. 

Sendu okkur lógóið þitt og við merkjum penna fyrir þig í því upplagi sem hentar þér. Hjá okkur færðu usb-penna, snjallpenna (smartpenna) og hefðbundna kúlupenna! Gott verð og lipur þjónusta!

Það er tilvalið að láta okkur prenta það sem þú vilt á glasamottur, t.d. skemmtilega ljósmynd, friðarmerki eða vísdómsorð á borð við: aðgát skal höfð í nærveru sálar. Nú verður ennþá skemmtilegra að bjóða fólki heim! Góða skemmtun!